Plantun de Prouvènço

Pèr coumpara dos planto d'encò nostre

Salix cinerea & Stellaria media

Orle

Salix cinerea

Salicaceae

Noms en français : Saule cendré, Saule gris.

Descripcioun :
L'orle es un aubret à port de bouissoun proun pelous sus tóuti si branco (fin qu'à dos annado). Se pòu engana emé l'amarinas, Salix caprea mai pèr aquéu si fueio soun larjo vers lou mitan alor que pèr l'orle, lou mai larg s'atrobo vers lou bout. En mai d'acò l'amarinas èi rapidamen pu pelut sus li ramo. Coumpara emé l'amarinas.

Usanço :
Lou bos, eisa à fendescla, pòu servi pèr la banastarié o pèr fabrica un mouloun de pichòti causo. Tóuti li rusco de sause caupon de salicino que douno d'acide salicilì dins lou cors, ço qu'ajudo à abeissa li fèbre e lucha contro lou mau d'os.

Port : Aubret
Taio : 1 à 3 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Salix
Famiho : Salicaceae

Ordre : Malpighiales

Coulour de la flour : Jauno
Petalo : ges
Ø (o loungour) enflourejado : 4 à 5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Bos umide
Estànci : Mesoumediterran à Mountagnard
Couroulougi : Paleotemperado
Ref. sc. : Salix cinerea L., 1753

Mourihoun

Stellaria media

Caryophyllaceae

Àutri noum : Paparudo, Trisseto, Esteleto, Bourassou.

Noms en français : Mouron des oiseaux, Morgeline.

Descripcioun :
Erbo basso coumuno à mita couchado que fai de pichòti flour blanco que sèmblon d'estello. Li petalo soun fendasclado sus quàsi touto la loungour, li fueio soun un pau pounchudo, óupousado, aquéli d'en bas emé un pecoui au contro de li d'en aut.

Usanço :
Maugrat que caup un pau de sapounino lou mourihoun pòu rintra dins l'ensalado champanelo. Pamens vau mies lou culi quouro flouris pèr pas s'engana emé lou mouroun rouge (o blu), Anagalis arvensis, qu'èi bèn mai dangeirous (caup de ciclamino). Lou mourihoun èi vertuous contro li proublèmo de pèu e ajudo à lucha contro li mau d'os e mai encaro.